Maşın işə düşmür: səbəbi nədir və nədən başlamalı?

Starterin nə etdiyinə baxsanız, axtarış xeyli daralır. Açarı çevirəndə və ya start düyməsini basanda üç vəziyyət ola bilər: heç nə olmur, tıqqıltı gəlir, ya da starter mühərriki normal fırladır, amma mühərrik tutmur. İlk ikisi elektrik və ya starter problemidir. Üçüncüsü isə yanacaq, alışma və ya idarəetmə (immobilayzer, beyin) problemidir.

Paneldəki işıqlara da baxın. Panel ümumiyyətlə yanmırsa, problem akkumulyatorda və ya qidadadır. Panel yanır, amma açarı çevirəndə sönür və ya zəifləyirsə, ya akkumulyator starterin yükünü saxlaya bilmir, ya da klemmada kontakt zəifdir.

Səsə də qulaq asın. Tək tıqqıltı çəkici relenin işlədiyini, amma starterin fırlanmadığını göstərir. Ardıcıl tıq-tıq səsi isə demək olar ki, həmişə gərginliyin çatmadığını bildirir. Nə eşitdiyinizi yadda saxlayın, ustaya deyəcəksiniz.

Starter elektrik sistemində ən çox cərəyan çəkən hissədir, ona görə zəif kontakt ilk burada özünü göstərir. Maşınınız avtomatdırsa, seçicini "N" vəziyyətinə keçirib yenidən yoxlayın. Maşın N-də işə düşürsə, problem seçici (P/N) sensorundadır.

Akkumulyatoru dəyişməyə tələsməyin. Onu yük altında test etmək lazımdır, çünki "akkumulyator xarabdır" deyilən problem çox vaxt generatorun az doldurması çıxır. Starter fırlanmırsa, adətən bunlardan birinə baxırıq:

Mühərrikin işə düşməsi üçün üç şey lazımdır: yanacaq, qığılcım və beynin icazəsi. Bunlardan biri yoxdursa, starter nə qədər fırlansa da mühərrik tutmayacaq. Starter mühərriki normal sürətlə fırladırsa, deməli, akkumulyator və starter sağlamdır və axtarış daralır. Bir çox maşında açarı ON vəziyyətinə çevirəndə arxadan qısa vızıltı gəlir, bu, yanacaq nasosunun sistemi doldurmasıdır. Bu səs yoxdursa, nasosu, onun relesini və sığortasını yoxlamaq lazımdır. Əsas səbəblər bunlardır:

Dizel mühərrik soyuqda uzun fırlanıb çətin işə düşürsə, farsunkaları və yüksək təzyiq nasosunu stenddə yoxlayırıq. Bu işi farsunka təmiri səhifəsində təsvir etmişik. Belə işlərdən biri: Land Rover Discovery 4-ün gec işə düşməsi farsunkaların geri axınından idi.

Mühərrik bir-iki saniyə işləyib sönürsə və paneldə açar işarəsi yanırsa, iş immobilayzerdədir. Beyin açarı tanımır və mühərriki dayandırır. Səbəb açarda, immobilayzer modulunda və ya beyinlə rabitədə ola bilər. Ehtiyat açarınız varsa, onunla yoxlayın. Ehtiyat açarla işə düşürsə, problem əsas açardadır. Açar itibsə və ya yenisi lazımdırsa, onu maşına proqramlaşdırmaq olar: maşın açarı.

Hibrid maşınlarda qəzadan sonra airbag beynində qalmış crash məlumatı da maşının işə düşməsinə mane ola bilər. Bu məlumatın necə silindiyini airbag təmiri səhifəsində yazmışıq.

Beyin həqiqətən xarabdırsa, diaqnostika cihazı adətən onunla əlaqə qura bilmir. Amma bu da son söz deyil, əvvəlcə beynin qidasını, kütləsini və CAN xəttini ölçürük. Beynin özü xarab çıxsa, nə etdiyimizi avtomobil beyni təmiri səhifəsində oxuya bilərsiniz, müddəti isə diaqnostikadan sonra deyirik. Beyin nasazlığını sensor və naqil problemlərindən ayırmağın yollarını maşının beyni xarab olub-olmadığını necə bilmək yazısında topladıq.

Maşın hərəkət edə bilmirsə, zəng edin, vəziyyətə görə bir həll təklif edək. Zəng edəndə deyin: starter fırlanırmı, panel yanırmı, açar işarəsi varmı, problem birdən başlayıb, yoxsa tədricən. Son vaxtlar akkumulyator dəyişilibsə, maşın yuyulubsa və ya başqa servisdə iş görülübsə, bunu da deyin. Mümkünsə, ehtiyat açarı da götürün, çünki immobilayzerdən şübhələnəndə yoxlamanı onunla dəqiqləşdiririk.

AzonAuto-da avto elektrik diaqnostikası akkumulyatoru yük altında test etməklə, qida və kütlə xətlərini ölçməklə, starteri yoxlamaqla və xəta kodlarını oxumaqla başlayır. Cərəyan sızmasını sığorta-sığorta ölçərək tapırıq. Servis Əliağa Şıxlinski 112-də, Koroğlu metrosunun yaxınlığındadır. Zəng üçün +994 70 338 62 77, WhatsApp üçün +994 70 338 62 77.