Maşının beyni xarab olub-olmadığını necə bilmək olar?

Beyin həqiqətən sıradan çıxanda əlamətlər adətən kəskin olur: maşın işə düşmür, diaqnostika cihazı modulu görmür, paneldə bir neçə işıq birdən yanır. Bir sensor xarab olanda isə çox vaxt tək bir funksiya pozulur. Bir silindr işləmir, turbo gec qoşulur və ya maşın boş dövrdə titrəyir.

Maşın beyni sensorlardan siqnal alır, hesablayır və icra hissələrini idarə edir. Farsunkalar, alışma bobinləri, drossel qapağı və yanacaq nasosunun relesi onun əmri ilə işləyir. Sensorlardan biri yanlış siqnal verəndə və ya naqil qırılanda xətanı beyin qeydə alır. Diaqnostikada xəta beynin yaddaşından oxunur, ona görə sürücü də, bəzən usta da tez "beyin xarabdır" qərarına gəlir.

Aşağıdakı problemlər beyin nasazlığına oxşayan əlamətlər verir və servisə tez-tez "beyin xarabdır" şikayəti ilə gəlir. Amma hamısı beyin təmirinə ehtiyac olmadan həll olunur, onları avto elektrik diaqnostikası tapır.

Hamısını ölçməklə tapırıq. Qida və kütlə gərginliyini yük altında yoxlayırıq, sensor siqnalına ossilloqrafla baxırıq, CAN xəttini analizatorla ölçürük. Heç biri üçün beyni açmaq lazım olmur. Söhbət bu problemlərdən gedir:

Bir əlamət tək başına kifayət etmir. Məsələn, cihazın beyinlə əlaqə qura bilməməsi CAN xəttindəki qırılmadan da ola bilər. Ona görə son qərarı ölçəndən sonra veririk. Beyindən şübhələnməyə əsas verən hallar bunlardır:

Həll yolu da hər vəziyyətdə fərqlidir. Uğursuz proqram yazılmasından sonra maşın işə düşmürsə, çox vaxt lövhəyə toxunmadan proqramı yenidən yazmaq kifayət edir. Su dəymiş modulda isə lövhənin özünü təmizləmək və bərpa etmək lazımdır.

Akkumulyatorun klemmalarına baxın. Ağ və ya yaşıl ərp, əllə tərpənən klemma çox şeyi izah edir. Voltmetriniz varsa, mühərrik işləyərkən doldurma gərginliyini ölçün. Normada o, 13,8–14,7 V olmalıdır. Gərginlik bundan aşağıdırsa, modulların xəta yazması adi haldır.

Beynin harada yerləşdiyini tapın. Bəzi maşınlarda o, kapotun altında, şüşədən su axan yerə yaxın olur. Konnektorda su, yaşıl korroziya və ya yanıq izi görsəniz, bunu ustaya deyin və beyni özünüz açmayın.

Problemin nə vaxt başladığını xatırlayın. Maşını yuyandan, güclü yağışdan, akkumulyatoru dəyişəndən, prikuritdən, yoxsa başqa servisdə iş görüləndən sonra? Bu sualın cavabı diaqnostikaya istiqamət verir və vaxta qənaət edir.

Əvvəlcə kompüter diaqnostikası edirik, xəta kodlarını və canlı məlumatları oxuyuruq. Sonra beynin qida və kütlə xətlərini yük altında ölçürük, sensor siqnallarını ossilloqrafla yoxlayırıq, CAN xəttinə analizatorla baxırıq. Bunlar sağlam çıxanda beyni çıxarıb stenddə yoxlayırıq. Mühərrik beynini, karobka beynini (TCM), ABS və airbag beyinlərini də eyni qaydada yoxlayırıq.

Beynin xarab olduğu təsdiqlənsə, təmiri beyin ustamız görür. Modulu açırıq, mikroskop altında yanmış drayver tranzistorunu, oksidləşmiş cığırı, çatlamış lehimi və ya şişmiş kondensatoru tapıb dəyişirik. Müddət zədənin növündən asılıdır, onu diaqnostikadan sonra deyirik. Təmirin üsulları ətraflı avtomobil beyni təmiri səhifəsindədir.

Təmir, yeni və ya işlənmiş beyin arasında seçim etməli olsanız, qiymət, müddət və kodlaşdırma fərqlərini beyin təmiri, yoxsa yeni beyin yazısında bir yerə topladıq.