- Ana səhifə
- Xidmətlər
- Farsunka təmiri
Farsunka təmiri və stenddə yoxlanması
Qısa cavab
AzonAuto Bakıda dizel Common Rail (Bosch, Denso, Delphi, Continental) farsunkalarını stenddə yoxlayır, təmir edir və kodlaşdırır. Stend hər farsunkanın nə qədər yanacaq verdiyini, geri axının həddi keçib-keçmədiyini göstərir və hər iş üçün çap olunmuş test hesabatı verilir, ona görə dizel farsunkası təxminlə dəyişilmir. Benzin farsunkalarını AzonAuto söküb ultrasəs vannasında yuyur və mühərrikdə silindr balansı ilə yoxlayır. Görülən farsunka təmirinə zəmanət verilir.
Mühərrik soyuqda çətin işə düşür, titrəyir, qara tüstü verir və ya yanacaq sərfi artıb? Bunların hamısı farsunkadan (injektor) ola bilər, amma həmişə yox. Eyni əlamətləri yüksək təzyiq nasosu (TNVD) və yanacaq xəttinə sorulan hava da verir, ona görə nasosu da stenddə yoxlayırıq.
Farsunkanı təxminlə dəyişmək bahalı səhvdir. Dizeldə hansı farsunkanın həqiqətən xarab olduğunu stend göstərir, benzində isə silindr balansı və canlı məlumat eyni suala cavab verir. Dizel farsunkalarını Common Rail stendində Ayxan usta yoxlayır və təmir edir.
Görülən farsunka təmirinə zəmanət verilir.
Son yenilənmə:
Yancaq serfiyati ile yaxinlashdim injectorlarda problem var idi Azon Auto service stent etdiler temir olundu yancaq serfiyati normaya dushdu cox razi qaldim qiymet cox munasib oldu
Dərhal əlaqə
Əliağa Şıxlinski 112, Bakı (Koroğlu metrosu yaxınlığı). B.e – Ş. 09:00–19:00.
Bu əlamətlər varsa, bizə gəlin
- Mühərrik soyuqda çətin işə düşür, uzun fırlanır
- Boş dövrlərdə titrəmə, qeyri-bərabər iş, bir silindr «itir»
- Qara və ya ağ tüstü, yanacaq iyi
- Yanacaq sərfi xeyli artıb
- Güc azalıb, qaz verəndə gecikmə var
- Farsunka və ya təzyiq ilə bağlı xəta kodları (P0201–P0208, P0087, P0093)
Dizel Common Rail farsunkası
Müasir dizellərdə (Mercedes-Benz, BMW, Volkswagen, Toyota, Hyundai, Kia, Ford, Land Rover) Common Rail farsunkaları 1500–2500 bar təzyiqlə işləyir və yanacağın keyfiyyətinə çox həssasdır. Azərbaycan dizel yanacağı ilə işləyən farsunkalarda ən çox bu nasazlıqları görürük: iynə (nozzle) köhnəlir və koksla tutulur, geri axın (obratka) həddi keçir, elektromaqnit və ya piezo hissə zəifləyir. Stenddə Bosch, Denso, Delphi və Continental (keçmiş Siemens VDO) farsunkalarını yoxlayırıq. Scania və Cummins mühərrikli yük maşınlarının farsunkalarını da təmir edirik: yük maşını farsunka təmiri. Hyundai və Kia dizellərində farsunkaların yoxlanışını zəncir dəyişmə və kollektor yuyulması ilə birlikdə bir qiymətə edirik: Hyundai, Kia dizel təmiri.
Stend farsunkanın boş dövrdə, qismən və tam yükdə nə qədər yanacaq verdiyini ölçür və zavod göstəricisi ilə müqayisə edir. Nəticəyə görə farsunkanı yuyur, iynəni və ya başqa hissələri dəyişir, sonra yenidən yoxlayırıq. Mühərrikə quraşdırandan sonra farsunkanı kodlaşdırırıq (IMA, ISA kodları), çünki kodlaşdırma olmadan yeni farsunka da düzgün işləmir.
Bobin testi, tənzimləmə və çap olunmuş hesabat
Farsunkanı stendə qoymazdan əvvəl elektrik tərəfdən yoxlayırıq: bobinin müqavimətini (om) və tutumunu ölçürük. Elektromaqnit və piezo farsunkaların elektrik testi, gediş (stroke) ölçüsü və araboşluğunun tənzimlənməsi üçün DiMED AHE Tool və DiMED Piezo Tool cihazları, farsunka hissələrinə baxmaq üçün mikroskop işlədirik. Farsunkaları DiMED Expert Common Rail stendində və Bosch EPS 200 stendində yoxlayırıq.
Təmirdə farsunkanın klapanı, iynəsi (nozzle) dəyişiləndə və ya yeni bobin qoyulanda onu zavod ölçülərinə yenidən tənzimləmək mütləqdir, yoxsa yeni hissə ilə də düzgün yanacaq vermir. Bosch, Denso, Delphi və Continental farsunkalarını kodlaşdırırıq. Stenddə yoxlanan hər iş üçün çap olunmuş test hesabatı verilir: hər farsunkanın rejimlər üzrə verdiyi yanacaq, geri axını və zavod həddi kağız üzərində olur.
Benzin farsunkalarının yuyulması
Benzin mühərriklərində farsunkalar zamanla çirklənir və qeyri-bərabər püskürür. Nəticədə boş dövrlərdə titrəmə, sərf artımı və soyuq start problemi yaranır. Farsunkaları söküb ultrasəs vannasında yuyur, uc rezinlərini və filtrlərini dəyişirik. Nəticəni mühərrikdə silindr balansı və canlı məlumatla yoxlayırıq; ətraflı: farsunka yuyulması. Birbaşa püskürtməli (GDI, TSI, TFSI) mühərriklərin farsunkalarını da yuyuruq. Stendimiz isə dizel avadanlığıdır, ona görə benzin farsunkalarını stenddə yoxlamırıq.
Farsunka simptomları həmişə farsunkadan gəlir?
Çox vaxt bu simptomlar nasosdan gəlir. Yüksək təzyiq nasosunu (TNVD) stenddə yoxlayır, lazımi təzyiqi yaradıb saxlaya bildiyinə, təzyiq tənzimləyicisinin və ölçü klapanının düzgün işlədiyinə baxırıq. Yanacaq çəninə, filtrə, aşağı təzyiq nasosuna və yanacaq xətlərindəki hava sızmasına da baxırıq, çünki sistemə hava sorulanda günah farsunkada görünür, amma əslində onda olmur. Farsunkanın və nasosun ömrünü ən çox uzadan şey yanacaq filtrini vaxtında dəyişməkdir.
Təzyiq düşübsə, iki ehtimal var: ya nasos təzyiqi yarada bilmir, ya da farsunkalar geri axınla onu itirir. Hansı olduğunu ölçü göstərir. Dizel TNVD təmirini və benzin çən nasosunun yoxlanmasını yanacaq nasosu təmiri səhifəsində izah etmişik.
Farsunka təmiri, yoxsa yeni farsunka
Yeni orijinal Common Rail farsunkası bahadır, mühərrikdə isə onlardan dörd və ya altı ədəd olur. Stenddə yoxlanmış və təmir olunmuş farsunka bundan ucuz başa gəlir; dəqiq qiyməti stend nəticəsindən sonra deyirik. Gövdəsi çatlamış və ya korroziyaya uğramış, yaxud piezo elementi tam sıradan çıxmış farsunkanı təmir etmirik. Belə halda bunu açıq deyir, orijinal və ya keyfiyyətli bərpa olunmuş farsunka sifariş edirik. Dizel farsunkaları, nasoslar və təzyiq datçikləri anbarımızda da olur: farsunka satışı.
İş prosesi
Əvvəl kompüter diaqnostikası və silindr balansı ilə problemli farsunkanı tapırıq. Əlamətlər farsunkadan yox, turbodan və ya mühərrikin özündən gəlirsə, turbo təmiri və ya mühərrik təmiri lazım olur. Problem farsunkadadırsa, farsunkaları söküb stenddə yoxlayır və nəticəni sizə göstəririk. Yuma, təmir və təkrar yoxlamadan sonra farsunkaları yerinə qoyur, kodlaşdırır və mühərriki canlı məlumatlarla yoxlayırıq. WhatsApp-a yazanda marka, model, il, mühərrikin tipini (dizel, benzin) və şikayəti qeyd edin.
Qiymət
Farsunka təmiri qiyməti nədən asılıdır?
Hazır qiymət siyahısı vermirik, çünki eyni nasazlıq iki maşında iki fərqli iş deməkdir. Qiymətə təsir edənlər:
- Avtomobilin markası, modeli və mühərriki
- Diaqnostikada tapılan nasazlıq və işin həcmi
- Dəyişilməli ehtiyat hissəsinin olub-olmaması və onun qiyməti
- Diaqnostika
- Kompüter diaqnostikası 20 AZN-dir. Təmiri AzonAuto-da etdirsəniz, bu məbləğ təmirin qiymətinə daxil edilir.
- Qiyməti necə öyrənmək olar
- Marka, model və problemi WhatsApp-a yazın. İş saatlarında yazsanız, həmin gün cavab veririk. Qiyməti diaqnostikadan sonra dəqiqləşdiririk və işə yalnız siz təsdiq edəndən sonra başlayırıq.
- Qiyməti WhatsApp-da soruşun
Görülən işlərdən
- Mercedes W166: ağ tüstünün səbəbi farsunka yox, dəyişdirilmiş proqram idiAğ tüstü kəsildi, mühərrikin işi normallaşdı.Mercedes-Benz W166 ·
- Mercedes W213: sıradan çıxan TNVD yanacaq sisteminə metal qırıntısı yaymışdıYanacaq sistemi bərpa olundu, avtomobil saz vəziyyətdə təhvil verildi.Mercedes-Benz E-Class W213, 2019 ·
- Hyundai Santa Fe dizel: mühərrikdən gələn kənar səs farsunkalardan idiKənar səs kəsildi, mühərrik stabil və səssiz işləyir.Hyundai Santa Fe, 2019, dizel ·
İşlərimizdən videolar
Rəylər
Müştəri rəyləri Google-da
Yancaq serfiyati ile yaxinlashdim injectorlarda problem var idi Azon Auto service stent etdiler temir olundu yancaq serfiyati normaya dushdu cox razi qaldim qiymet cox munasib oldu
Harun Ceferzade Masinda qara tustu var idi farsunkalari stent ve temir etdiler qara tustu kesdi yanacaq serfiyati azaldi Azon Auto tessekkurler gozel xidmete gore
Ilkin Bunyadzade
Farsunka təmiri haqqında tez-tez verilən suallar
Farsunkanın tipindən (Bosch, Denso, Delphi, piezo) və stend nəticəsindən asılıdır, çünki sadə yuma ilə iynə dəyişimi fərqli işlərdir. Son işlərimizdən nümunə: Hyundai Santa Fe 2019 dizelində farsunkaların yuyulması, stenddə yoxlanışı və kodlaşdırılması işinin qiyməti 160 AZN, JAC-da farsunka klapanlarının orijinal Delphi hissələri ilə dəyişdirilməsi, stend və kodlama işinin qiyməti 600 AZN-dir. Sizin maşında stend yoxlamasından sonra hər farsunkanın qiymətini ayrıca deyirik.
WhatsApp-a yazın və ya zəng edin
Əliağa Şıxlinski 112, Bakı (Koroğlu metrosu yaxınlığı). B.e – Ş. 09:00–19:00.
Bununla bağlı xidmətlər
- Yanacaq nasosu təmiriYanacaq nasosu təmiri: TNVD və benzin nasosu
- Turbo təmiriTurbo təmiri: turbin, kartric və aktuator
- Mühərrik təmiriMühərrik təmiri və mühərrik ustası
Bütün xidmətlər: Bakıda avto servis xidmətlərinin tam siyahısı