Orxan, avtomobil beyin ustası

Nə edir

Beyin təmiri adi çilingər işi deyil. Modulun içində yüzlərlə mikrosxem, tranzistor və kondensator var. Nasazlıq çox vaxt bircə yanmış drayverdə, korroziyaya uğramış plata yolunda (dorojkada) və ya su dəydikdən sonra oksidləşmiş kontaktda olur. Orxan belə nasazlıqları mikroskop altında tapır, komponenti dəyişir, platanı bərpa edir və modulu stenddə yoxlayır. Beləliklə, müştəri 500–2000 AZN verib yeni beyin almır. Öz beyni ilə sürməyə davam edir, kodlaşdırma və uyğunlaşdırma problemi də yaşamır.

Orxanın ikinci işi proqramlaşdırmadır. O, ECU-ya proqram yazır, modulları kodlaşdırır, yeni modulu avtomobilə uyğunlaşdırır, immobilayzer problemlərini həll edir və airbag modulundan crash məlumatını silir. CAN bus xətalarını və modullar arasındakı rabitə problemlərini də o axtarıb tapır. Bu işlər üçün AzonAuto-da diaqnostika avadanlığı, proqramlaşdırıcılar və stend var.

Orxan Mercedes-Benz, BMW, Volkswagen, Audi, Toyota, Lexus, Nissan, Hyundai və Kia ilə yanaşı, Bakıda getdikcə çoxalan Changan, BYD, Haval, Geely və Chery avtomobilləri ilə də işləyir. Şəhərdə taksidə çox işləyən Toyota Prius, Aqua və Fielder hibridlərinin ABS və elektronika problemləri ilə isə ayrıca məşğul olur.

AzonAuto 1982-ci ildən Bakıda işləyən avtoservisdir. Orxan isə burada müasir avtomobil elektronikası ilə məşğul olur. Servis Koroğlu metrosunun yaxınlığında, Əliağa Şıxlinski 112-dədir. Beyni çıxarıb ayrıca gətirə bilərsiniz. Kodlaşdırma və uyğunlaşdırma tələb edən işlər üçünsə avtomobilin özü lazımdır.

Orxan hər işi diaqnostika ilə başlayır və qiyməti təmirdən əvvəl deyir.