Check engine işığı yanır: səbəbi nədir və nə etməli?

Avtomobil beyni (ECU) mühərrik işləyərkən sensorlardan gələn siqnalları daim yoxlayır: lambda (oksigen) sensoru, hava sərfi sensoru, dirsəkli val və paylayıcı val sensorları, temperatur və təzyiq. Siqnal icazə verilən həddən çıxanda və ya beyin silindrlərdən birinin işləmədiyini (propusk) görəndə yaddaşa xəta kodu yazır və paneldə check engine işığını yandırır.

Kod problemin hansı sistemdə olduğunu göstərir, səbəbini yox. Məsələn, lambda sensoru xətasına sensorun özü, naqil, kütlə və ya hava sızması səbəb ola bilər. Ona görə kodu oxuyub hissəni dərhal dəyişmək çox vaxt boşa xərcdir. Hissə dəyişilir, işıq isə yenə yanır.

İşıq sabit yanır və maşın əvvəlki kimi gedirsə, təcili təhlükə yoxdur. Amma işi təxirə salmayın. Bəzi xətalar yanacaq sərfini artırır, bəziləri isə vaxt keçdikcə katalizatoru sıradan çıxarır. Sizdə hansı halın olduğunu kod oxunmadan bilmək mümkün deyil.

İşıq yanıb-sönürsə, adətən mühərrikdə ciddi propusk var. Yanmamış yanacaq egzoza gedir, katalizatoru həddən artıq qızdırır və onu məhv edə bilər. Belə halda qazı azaldın və təhlükəsiz yerdə dayanın. Maşını servisə mühərriki mümkün qədər az yükləyərək çatdırın. Aşağıdakı hallarda da yola davam etməyin:

Check engine xətalarının böyük hissəsi beyindən yox, mühərrikin ətrafındakı sensor və icra hissələrindən gəlir. Dizel maşınlarda yanacağın keyfiyyəti də öz sözünü deyir. DPF, EGR və farsunkalar bu səbəbdən tez sıradan çıxır və işıq məhz onlara görə yanır.

Farsunka xətası çıxanda stend yoxlamasının necə getdiyini farsunka təmiri səhifəsində yazmışıq. Katalizator çıxarılıbsa və işıq buna görə yanırsa, ikinci lambda sensorunu proqramla söndürmək olar. Bu barədə katalizator datçiki söndürülməsi (cat off) səhifəsində oxuya bilərsiniz. Səbəb adətən bunlardan biri olur:

Yanacaq çəninin qapağını açıb çıqqıldayana qədər yenidən bağlayın. İşıq yanacaq doldurandan dərhal sonra yanıbsa, səbəb qapaq ola bilər və bir neçə gedişdən sonra işıq özü sönər. Sönməsə, deməli, iş qapaqda deyil.

Kapotu açıb baxın. Yerindən çıxmış hava borusu, qopmuş konnektor və ya siçan gəmirmiş naqil gözə dəyə bilər. Mühərrik yağının və soyuducu mayenin səviyyəsini yoxlayın. Problemin nə vaxt çıxdığını da yadda saxlayın: soyuq, yoxsa isti mühərrikdə, hansı sürətdə, tıxacda, yoxsa trassada. Bu, diaqnostikanı sürətləndirir.

Ucuz OBD2 skaneri kodu göstərər, səbəbi göstərməz. Kodu silib yola davam etsəniz, işıq bir müddət sönür, nasazlıq isə yerində qalır. Üstəlik, kodla birlikdə ustaya lazım olan məlumat da silinir.

AzonAuto-da avto elektrik və kompüter diaqnostikası xəta kodlarını oxumaqla başlayır, amma bununla bitmir. Sonra canlı məlumatlara (live data) baxırıq, sensorların siqnalını ossilloqrafla ölçürük, lazım olanda naqili zavodun elektrik sxemi üzrə başdan-başa yoxlayırıq. Səbəbi təsdiqləyəndən sonra nə ediləcəyini və qiymətini sizə deyirik. Razılığınız olmadan işə başlamırıq. Səbəbi aradan qaldırandan sonra kodları silir və maşını yolda yoxlayırıq.

Sensorlar və naqillər sağlam çıxırsa, xəta isə beynin özündən gəlirsə, növbəti addım avtomobil beyni təmiri olur. Maşının beyni xarab olub-olmadığını necə bilmək olar sualına ayrıca yazıda cavab vermişik.

Servis Əliağa Şıxlinski 112-də, Koroğlu metrosunun yaxınlığındadır. Bazar ertəsindən şənbəyə 09:00–19:00 işləyirik. Zəng edib markanı, modeli və şikayəti desəniz, gəlməzdən əvvəl nəyin lazım olduğunu deyərik.