Yağ dəyişmə: mühərrik yağı, yağ və hava filtrinin dəyişməsi
Qısa cavab
AzonAuto-da, Bakıda Koroğlu metrosunun yaxınlığında, mühərrik yağını belə dəyişirik: köhnə yağı boşaldıb yağ filtrini yenisi ilə əvəz edirik, sonra mühərrikə istehsalçının tələb etdiyi özlülükdə, təsdiqli (dopusklu) yağ tökürük. Lazım olsa hava filtrini, istəsəniz salon filtrini də dəyişirik. Yağı maşının markasına, mühərrikinə və servis kitabçasına görə seçirik: məsələn, benzinli Mercedes üçün MB 229.5, DPF-li dizel üçün 229.51 və ya 229.52, BMW üçün Longlife, Toyota hibridləri üçün 0W-20 və ya 0W-16.
Servisə ən çox yağ dəyişməyə gəlirlər, ona görə çoxu fikirləşmədən deyir: «5W-30 tökün». Amma qutudakı 5W-30 yalnız özlülükdür. Müasir mühərrik həm də istehsalçının təsdiqi (dopusku) olan yağ istəyir. Səhv yağ turbonu, fazaları idarə edən VVT sistemini, dizeldə isə saja filterini vaxtından tez sıradan çıxarır.
Yağ dəyişəndə mühərrikə də baxırıq: sızma, hava filtri, lazım olsa xəta kodları. Problem görsək, sizə deyirik, nəyi etmək qərarı isə sizindir. Rəflərimizdə Mobil mühərrik yağları, Mann və Wunder filtrləri var.
Tökdüyümüz yağın mühərrikin tələb etdiyi özlülüyə və təsdiqə (dopuska) uyğun olmasına zəmanət veririk.
Son yenilənmə:
Dərhal əlaqə
Əliağa Şıxlinski 112, Bakı (Koroğlu metrosu yaxınlığı). B.e – Ş. 09:00–19:00.
Bu əlamətlər varsa, bizə gəlin
- Servis kitabçasındakı kilometr və ya vaxt çatıb
- Paneldə servis xatırlatması (açar işarəsi, «Service») çıxıb
- Şupda yağ səviyyəsi aşağıdır
- Maşını ikinci əldən almısınız, son yağ dəyişmənin vaxtı bilinmir
- Maşın taksidə işləyir, çox vaxt tıxacda və ya qısa məsafələrdə sürülür
- Qırmızı yağ lampası yanır: təhlükəsiz yerdə dərhal saxlayıb mühərriki söndürün
Yağı necə seçirik: özlülük, yoxsa dopusk?
Qutudakı 5W-30 kimi rəqəm yağın özlülüyüdür, yəni soyuqda və istidə nə qədər axıcı olduğunu göstərir. İkinci şərt istehsalçının təsdiqidir (dopusk, approval). Məsələn, Mercedes-Benz yağı MB 229.5, 229.51 və ya 229.52 nömrəsi ilə, BMW Longlife-01 və Longlife-04 ilə, Volkswagen qrupu VW 504 00 və 507 00 ilə, General Motors isə dexos ilə təsdiqləyir. Yapon və Koreya benzin mühərrikləri üçün çox vaxt API SP və ILSAC GF-6 standartı istənilir (yeni qutularda bunları əvəz edən API SQ və ILSAC GF-7).
Hibridlərə və yeni kiçik mühərriklərə çox duru yağ tökülür. Toyota hibridlərinin çoxuna 0W-20 və ya 0W-16 lazımdır, Changan A05-ə də 0W-16 (ILSAC GF-6B) tökmüşük. Belə mühərrikə «ehtiyat üçün» qatı yağ tökmək soyuq startda yağlanmanı gecikdirir. Ona görə yağı təxminlə yox, avtomobilin markasına, mühərrikin koduna və servis kitabçasına görə seçirik. Rəqəmlərin nə demək olduğunu 5W-30 yoxsa 5W-40 yazısında ayrıca izah etmişik.
DPF-li dizelə hansı yağ tökülür?
Saja filteri (DPF) olan dizelə küllü aşqarları azaldılmış (low və ya mid SAPS) yağ lazımdır. Bunu qutuda ACEA C sinfi (məsələn, C2, C3) göstərir, Mercedes-də MB 229.51 və 229.52, BMW-də Longlife-04, VW-də 507 00. Adi yağdakı aşqarlar yananda daha çox kül qoyur, bu kül regenerasiyada yanmır və filtrdə yığılır. Filtr tez dolur və daha tez-tez regenerasiya tələb edir.
Filtr artıq tutulubsa, nə etmək olduğunu DPF, EGR, AdBlue ləğvi səhifəsində yazmışıq.
Mühərrik yağı neçə km-dən bir dəyişilir?
Dəqiq intervalı avtomobilin servis kitabçası deyir, bütün maşınlar üçün bir rəqəm yoxdur. Mercedes və BMW kimi bir çox müasir avtomobil intervalı özü hesablayır və paneldə göstərir. Bir çox kitabçada iki cədvəl olur: normal istismar və ağır istismar. Ağır istismar sayılan şərtlər Bakıda adi haldır: tıxac, boş dövrədə uzun işləmə, qısa məsafələr, isti və toz. Maşın taksidə işləyirsə və ya günü tıxacda keçirsə, ağır istismar cədvəlinə baxın.
Maşın az sürülürsə, yağı yenə də kitabçanın dediyi vaxtda dəyişmək lazımdır, çünki yağ dayanıb qalanda da köhnəlir. Vaxtı keçmiş yağ ən çox turbonu vurur: turbonun valı yalnız mühərrik yağı ilə yağlanır.
Yağ dəyişmədə nə edirik?
Maşının markasını, ilini və mühərrikini soruşub yağı və filtri seçirik. Köhnə yağı boşaldır, yağ filtrini dəyişir, yeni yağı tökürük. Sonra mühərriki işə salıb sızma olmadığını yoxlayır, səviyyəni şupla, şupu olmayan maşında isə paneldən yoxlayırıq. Hava filtrinə baxırıq: çirklidirsə, dəyişirik. İstəsəniz, salon filtrini də dəyişirik. Paneldə servis xatırlatması varsa, onu diaqnostika cihazı ilə sıfırlayırıq.
Yağ dəyişməni kompüter diaqnostikası ilə birləşdirmək olar. Məsələn, Mercedes GLS-in texniki xidmətində yağı, yağ və hava filtrini dəyişib diaqnostika da etmişik. Yağ sızırsa və ya mühərrik yağ yeyirsə, bu artıq mühərrik təmiri işidir və onu da edirik. Avtomat karobkanın yağı ayrıca dəyişilir, onu karobka yağı dəyişimi səhifəsində izah etmişik.
Qiymət
Yağ dəyişmə qiyməti nədən asılıdır?
Hazır qiymət siyahısı vermirik, çünki yağın və filtrlərin qiyməti maşından maşına dəyişir. Qiymətə təsir edənlər:
- Yağın növü və təsdiqi: sintetik və zavod təsdiqli (dopusklu) yağ daha bahadır
- Yağın həcmi: mühərrikə neçə litr yağ getdiyi
- Filtrlər: yağ filtri hər dəfə, hava və salon filtri ehtiyac olduqda
- Diaqnostika
- Kompüter diaqnostikası 20 AZN-dir. Təmiri AzonAuto-da etdirsəniz, bu məbləğ təmirin qiymətinə daxil edilir.
- Qiyməti necə öyrənmək olar
- Marka, model, il və mühərriki WhatsApp-a yazın. Yağ və filtrlərlə birlikdə qiyməti deyək. İş saatlarında yazsanız, həmin gün cavab veririk.
İşlərimizdən videolar
Yağ dəyişmə haqqında tez-tez verilən suallar
Qiymət yağın markasından və təsdiqindən (dopuskundan), mühərrikə neçə litr getdiyindən və hansı filtrlərin dəyişildiyindən asılıdır. Kiçik benzin mühərriki ilə böyük dizel eyni qiymətə olmur. Marka, model, il və mühərriki WhatsApp-a yazın, dəqiq qiyməti deyək.
WhatsApp-a yazın və ya zəng edin
Əliağa Şıxlinski 112, Bakı (Koroğlu metrosu yaxınlığı). B.e – Ş. 09:00–19:00.
Bununla bağlı xidmətlər
- Mühərrik təmiriMühərrik təmiri və mühərrik ustası
- Turbo təmiriTurbo təmiri: turbin, kartric və aktuator
- Karobka yağıKarobka yağı dəyişimi: ATF, CVT və robot karobka
Bütün xidmətlər: Bakıda avto servis xidmətlərinin tam siyahısı